Co comezo do novo curso tocou dicir ¡ata logo! (que non ¡adeus!) á Xogoteca do Anexo.
Foron arredor de 50 días nos que pasando polo Anexo nenos e nenas de varios colexios da vila e onde tiveron ocasión de facer novas amizades, intercambiar experiencias, relacionarse cos maiores, relacionarse cos pequenos, compartir merendas,… e todo iso sen deixar de aprender e de divertirse.
A deste verán foi unha xogoteca temática, organizada por quendas na que houbo tempo e oportunidade para ir, probar, tomarse unhas vacacións e incluso repetir.
Con H de Historía levounos a percorrer o mundo e a historia; tanto foron quen de decorar castelos medievais como de construír tipis, as típicas cabanas dos indios americanos.
A través de English Live coñeceron curiosidades da cultura anglosaxona: comidas típicas, lugares, monumentos e practicaron inglés a través de contos interactivos, teatriños, fichas e xogos de palabras.
Grazas a 1,2,3…Acción! mergulláronse no mundo do cine e do teatro. Elaboraron claquetas e atrezzo, ensaiaron coreografías e fixeron mímica.
Paráronse un intre a Pensar en verde e concienciáronse do importante que é respectar e coidar o planeta no que vivimos: aprenderon a reciclar, coñeceron o porqué de fenómenos naturais como as eclipses solares e os ciclos de vida das xoaniñas e das bolboretas, viron xermolar e medrar ás sementes, ….
Tampouco faltaron os xogos tradicionais e outros fabricados por eles mesmos.
E como despedida, …¡qué mellor que unha festa de disfraces! Houbo indios, indias e hippies, merendola, música, baile, … e ata agasallos de despedida.
Dende a ANPA queremos agradecer ás familias dos nenos e nenas asistentes á xogoteca a confianza depositada en nós á hora de escoller a Xogoteca de Verán do Anexo como medio de conciliación e agardamos que fora unha experiencia positiva para todos e que se acadaran as expectativas postas no servizo.
ANPA ANEXO A LOMBA 